عيال حارتنا كلمات فيصل اليامي غناء علي بن محمد
عيال حارتنا كلمات فيصل اليامي غناء علي بن محمد
الا ليت الزمن يرجع ورى ولا الليالي تدور
ويرجع وقتنا الاول وننعم في بساطتنا
زمان اول احس انه زمان فيه صدق شعور
نحب ونخلص النية وتجمعنا محبتنا
زمان ما فيه لاغيبه ولا حتى نفاق وزور
ياليته بس او يرجع ونسترجع طفولتنا
صغار قلوبنا بيضا نعيش بعالم محصور
ولا نعرف ابد اغراب ما غير عيال حارتنا
صحيح صغار في التفكير لكن معلينا قصور
نخطط نكسر اللعبة وتسعدنا شقاوتنا
نروح المدرسة بدري ونضحك داخل الطابور
نحاول نزعج العالم في روحتنا وجيتنا
وعشان نأخر الحصة نخبي علبة الطبشور
نشاغب بس في الاخرتميزنا برائتنا
نحب الضحك والهيصة نحب ننط فوق السور
نفرفش ليه ما نفرفش مادام الضحك عادتنا
ولكن دارت الايام وبان الخافي المستور
وصار الهم متعلي على قمة سعادتنا
كبرنا وصارت الدنيا تصف احزانا بالدور
وتهدينا الالم والهم غصب عن عين رغبتنا
تعبنا من بلاوينا احد ضايق وحد مقهور
ولكن غارق بهمه وفي الاخر تشتتنا
وانا ما قول غير الا يا ليت ان الزمن يدور
ويرجع للورى فترة نعدل وضع عيشتنا
مواضيع مشابهة 
العرض العادي
